أصعب حاجه فى حياتك انك تقول خلاص

أصعب حاجه فى حياتك انك تقول خلاص,انك تقرر النهايه لاجمل صفحه انفتحت فى حياتك وتاخد خط تحدد بيه نهايه....بس ايديك مش قادره تجر الخط ده,ولا عقلك ولا قلبك بيطاعوك,كلك كده مش قادر تقرر مع انك عارف ايه الصح,بتقول يمكن مش ده الصح يمكن الظروف تتغير....,وبين معرفتك للحقيقه وبين تصديقك ليها,توصل لدرجهانك توقف ادراكك وحسك وتفكيرك,وتتوقف الحياه الى المفروض تعملها،تصحى وتنام ,تنزل الشوارع تقابل ناس تتكلم معاهم وتضحك وتهزر,ومع كل ده جواك متوقف عن العمل!لاشئ بيتغير ,نفس الرفض للحقيقه,
الواقع والحقيقه بيتصدموا سوا..،ومع ذلك بترفض اى فكره ممكن توصلك انك تاخد قرار النهايه......،ومع الوقت تتعب مش من ضعف اة ارهاق,ده من معرفتك للواقع واستيعابك للموقف بشكل كبير،وحبه حبه تسلم وانت مش مصدق,وتقابل الناس وانت مبتسم ,تحس انك وحيد وانت بين الناس نفسك ترجع بيتك ولما ترجع تلاقى نفسك فى وحده اكبر,تيجى تكتب ماتقدرش,ماتتصلش بحد ولا ترد على حد تقفل موبيللك وتنام او ماتنامش مش فارقه
ويجيلك واحد صاحبك قريب منك وعارف سرك يسالك هتعمل ايه؟؟!!! هتبعد ولا هتكمل؟؟ تيجى ترد ماتعرفش,تكنتشف انك مسلوب الاراده ..وقلبك وقف...وتقول لصاحبك انا بطلع فى الروح
وتقرر اصعب حاجه فى الدنيا...هى انك تقرر البعد.انك تقول خلاص,وتنزل دمعه ماسكها بقالك كتير...وتقول خلاص وانت متاكد ايه الى المفروض يحصل ....وتلاقى مش عارف طلعتلك من تاانى لانك مش عارف هتقولها ازاى
(بحبك)